بعد خطوبته لـ هند مدحت.. محمد مكاوي يكشف حقيقة اتهامه بخيانة أم ابنه

أعلن البلوجر محمد مكاوي خطوبته على المذيعة هند مدحت، وهو الخبر الذي أثار تفاعلاً واسعاً على مواقع التواصل. إلا أنه واجه انتقادات واتهامات بالخيانة لأم ابنه البلوجر نورهان عماد.

ليخرج مكاوي عن صمته ويوضح تفاصيل الأمر.

ونشر محمد مكاوي منشوراً عبر حسابه على فيسبوك قال فيه: "اتنين عملوا حلال ربنا وقروا فاتحة واتخطبوا وهيتجوزوا إن شاء الله، واتنين كانوا متجوزين بحلال ربنا وانفصلوا من أكثر من سنتين.. محدش خان حد، ومحدش اتظلم، ومفيش ضحية في القصة".

وأضاف: "زواجي السابق انتهى من أكثر من سنتين، وبعد الانفصال بمدة طويلة بدأت علاقة جديدة والنهاردة الحمد لله فيه خطوبة ونية للزواج إن شاء الله".

وتابع مكاوي: "خطيبتي كانت صاحبتي من 11 سنة، ومعرفتهاش عن طريق زوجتي السابقة. إحنا في الأساس كلنا زمايل في نفس مجال الشغل ومعارف من سنين".

واستطرد: "طبيعة شغلنا فيها سفر وإيفنتات وتصوير وتعامل مع ناس كتير، فمش معنى إن اتنين سافروا في نفس الشغل أو اتصوروا سوا إنهم أصحاب مقربين أو كان بينهم علاقة. مفيش علاقات اتداخلت، ومحدش خان حد ومحدش أخد مكان حد".

واستنكر البلوجر قيام البعض بالبحث عن صور خطيبته قبل الحجاب ونشرها، قائلاً: "لما إنسانة تختار إنها تلتزم بأمر ربنا وتتحجب، إيه الهدف إننا نرجع نفتش في صورها القديمة قبل الحجاب وننشرها للناس؟".

واستشهد بالآية: "إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ"، مضيفاً: "اللي اختار يقرب من ربنا الأولى إننا نعينه ونستره ونحترم اختياره، مش نرجع نطلع له صور من وقت هو اختار إنه يتجاوزه".

واختتم رسالته: "كل واحد فينا عنده حياة وبيت وأهل ومشاعر والكلمة والصورة اللي بتتنشر ممكن تأذي ناس ملهاش أي ذنب. فاتقوا ربنا في كلامكم وفي أعراض الناس. ومش كل قصة محتاجة ضحية، ومش كل سعادة جديدة لازم ندور وراها على حد نلومه".